Быел мәктәпләрдә чыгарылыш кичәләре үткәреләчәк

2021 елда чыгарылыш кичәләре, Роспотребнадзор таләпләрен үтәү нигезендә, “очно” узачак, дигән мәгърифәт министры Сергей Кравцов. Бу хакта "Ватаным Татарстан" хәбәр итә.

“Роспотребнадзор таләпләреннән чыгып, чыгарылыш кичәләренең виртуаль түгел, ә чынбарлыкта узачагына ышанам. Әлбәттә, без чирнең көчәеп китүенә юл куймас өчен тынычланып калмаска һәм Роспотребнадзор кушканның һәммәсен үтәргә тиеш”, – дигән министр.

Исегезгә төшерәбез: 2020 елда, пандемия килеп чыгу сәбәпле, Россия мәктәпләре укучылары һәм студентларның чыгарылыш кичәләре онлайн-форматта узды.

фото: архив