Әниләр көне уңаеннан район үзәгенең Мөшбикә мәчетендә узган чарага кунаклар үзләре дә камыр ризыклары пешереп килгәннәр.
Мәчет мөгаллимәсе Диләрә Ханова әйтүенчә, мәҗлестә кырыклап кеше – әниләр һәм балалар катнашкан. Бәйрәмне эчтәлекле вәгазь, шигырь, мөнәҗәтләр белән баетып, кызыклы викториналар да оештырганнар.
- Кунаклардан унөч хуҗабикәбез аш - су бәйгесендә көч сынашты. Алар арасыннан гөбәдия әзерләп килгән Миләүшә Шәйхетдинова җиңүче дип танылды. Пирожкилар пешергән Гөлгенә Харисова - икенче, кабак эчлекле өчпочмаклар иясе Рузалия Садыйкова өченче урынга чыктылар. Соңыннан шушы һәм башка ризыклар табынга куелды, - ди Диләрә ханым.
Диләрә Ханова фотолары
Нет комментариев