Чирмешәндә “Теләкләр чыршысы” хәйрия акциясе оештырдылар

Яңа елда һәркем сихри тылсымга ышана, бәйрәмнән шатлыклы сюрпризлар көтә. Күтәмәдә яшәүче 11 яшьлек Владимир Матягин да Кыш Бабайдан сенсорлы телефон сорап хат язган. Район җитәкчесе Рамил Тәлгать улы малайның Яңа ел хыялын тормышка ашырды – “Теләкләр чыршысына” эленгән уенчыкка язылган теләкне үтәде. Әлеге бүләкне ул үзәк чыршыны ачу тантанасында тапшырды.

Хәйрия акциясендә шулай ук район башлыгы урынбасары Надежда Гомәрова, район башкарма комитеты җитәкчесе Илнур Җамалетдинов, аның урынбасары Ләйләгөл Моксинова, авыл җирлекләре башлыклары, район оешмалары һәм предприятиеләре җитәкчеләре катнашты. Алар да Кыш бабайга язылган хатлардагы теләкләрне үтиләр – балаларга бүләкләр алып бирәләр.

Илсөяр Гайнетдинова фотолары.