Чирмешәндә Яңа ел бәйрәмнәрендә кайда, нәрсәләр була?

2 гыйнварда 13 сәгатьтә мәйданчыкка балаларны чакыралар.

3 гыйнварда сәгать 11дә, шул ук мәйданчыкка, бизәлгән чаналар белән килә аласыз, биредә “Үзенчәлекле чаналар парады” программасы тәкъдим ителә. Ә кич 19 сәгатьтә Яңа ел дискотекасына көтәләр.

4 гыйнварда сәгать 11дә үзенчәлекле кар сыннары конкурсында катнашу мөмкинлеге бар.

5 гыйнварда көндезге сәгать 11дә “Күл” паркына волейболчыларны һәм чаңгычыларны чакыралар. Ә кичке 19 сәгатьтә Яшьләр мәйданчыгында яшьләрне биюле, уенлы программа көтә.

6 гыйнварда көндезге 11дә  балалар өчен “Яңа елны эзләү” исемле күңел ачу программасы булачак.

7 гыйнварда сәгать 11дә спорт мәйданчыгында киез итек киеп  футбол уйный алачаклар, ә кич белән Яшьләр мәйданчыгында Раштуа бәйрәме уңаеннан күңел ачу чарасы оештырыла.

8 гыйнварда сәгать 11дә балаларны кабат Яшьләр мәйданчыгында көтәләр.

13 гыйнварда 19 сәгатьтә “Старые песни о главном” исемле бәйрәм концерты булачак.