Чирмешәнлеләр Кач ману - Крещение суын эчеп дәваланалар

Чирмешәндә, элеккеге май-сыр заводы каршындарак урындагы “Изге чишмә”гә йөзләгән кеше суга килде.

-Былтыр моннан алган изгеләндерелгән йомшак, тәмле, шифалы суны ел буе кулландык, - ди Сергей Митрюхин. -Бүген дә савытларга утыз литр су тутырдык.

Амур ягындагы, юл янәшәсендәге “Изге” чишмәдән берара суны чират торып та алдылар.

-Чанага куелган флягка байтак су сыя, - ди Октябрьская урамында торучы Виктор Никонов. -Бер килгәч, чишмә тирәсен кардан, боздан да чистарттым. -Былтыр мондагы изгеләндерелгән су берничә айга җите, бозылмады. Дару кебек файдалы, эчеп туймаслык бит ул.

Әлеге чишмәдән элек тә су алганнар, аның чыганагы хәзер улак куелган урыннан чүт кенә арырак булган. Бурасы агачтан эшләнгән, ә хәзергесе – тимер-бетоннан.

фото: автор