“Ильхан” җәмгыятенә былтыр 300 баш тана алдылар

Әлеге маллар район башлыгы Рамиль Айбатов инициативасы, республика Рәисе Рөстәм Миңнеханов, Татарстан Авыл хуҗалыгы һәм азык-төлек Министрлыгы ярдәмендә алынды. Чыгымнарның 20 процентын “Ильхан” үзе түләгән.

Бүген “Ильхан”  җәмгыяте  - районда иң күп сөт җитештерүче хуҗалык, биредә көн саен уртача 10 тонна, ягъни былтыргыдан 3 тоннага күбрәк сөт савалар. Савым сыерлары саны 432 башка җиткән. Былтыр кайтарылган таналарның кайберләре бозаулаган да.

Кадыйр Гомәров фотосы