“ЧИРМЕШӘНАГРО” җәмгыяте үз хезмәткәрләренә май ае өчен хезмәт хакы биргән. Язгы кыр эшләрендә армый-талмый эшләгән механизаторлар арасында кулларына 100әр мең сумнан күбрәк акча алучылар бар.
Шулай итеп, әлеге хуҗалык хезмәтчәннәре Сабан туйларында рәхәтләнеп күңел ачар, тәм-томнар, бүләкләр белән гаиләләрен сөендерер. Сабан туе бит ул – төп алар хөрмәтенә оештырылучы күңелле чара, кыр уңганнары, игенчеләр бәйрәме.
-Безнең җәмгыятьтә язгы кыр эшләрендә утызлап кеше катнашты, һәркем тырыш хезмәт куйды, алай да механизаторлар: Чирмешәннән Александр Беззубовны, Иске Сережкино авылы егетләре, бертуганнар Дмитрий һәм Михаил Корниловларны аерым мактап үтәр идем. Бүген хуҗалык кырларында үсентеләрне саклыйбыз – чәчелгәннәрне корткычларга, чүп үләннәренә каршы эшкәртәбез, бөртек комбайннарын уракка әзерлибез, - ди “ЧИРМЕШӘНАГРО” җәмгыяте җитәкчесе Илшат Гозәеров.
Марат Гомәров фотосы
Нет комментариев