Чирмешәндә волейбол буенча район чемпионатының җиңүчеләре бәйрәмнәрдә ачыкланачак
Быел волейбол буенча район чемпионатында 50 ләп команда көч сынаша. Ир-егетләр арасында тәүге уеннар башланды инде. Җиңүче команда 15 мең сум акчалата бүләк алачак.
Районның яшьләр һәм спорт эшләре бүлегеннән белешүебезчә, ир-егет волейболчыларның финал уеннары 23 февральгә – Ватанны саклаучылар көненә билгеләнгән. Оешмалар-учреждениеләр, авыл җирлекләре командалары арасында җиңүчегә дигән 15 мең сум призны 32 команда дәгъваларга тиеш. Икенче урын алучы командага – 10, ә өченчегә 5 мең сум бүләк - акча каралган.
Хатын-кызларның беренче уеннары исә 13 декабрьдә старт алып, 8 мартта – Халыкара хатын-кызлар көнендә төгәлләнәчәк. Анда 18 команда ярышырга тиеш.
Следите за самым важным и интересным в Telegram-каналеТатмедиа
Нет комментариев