Чирмешән районында "Приора" КамАЗга бәрелгән

Юлны кардан чистартып баручы КамАЗга арттан “Приора” автомобиле килеп бәрелә.  Әлеге юл-транспорт һәлакәтендә машинага нык зыян килгән, бәхеткә, автомобиль йөртүче һәм аның пассажиры җитди тән җәрәхәтләре алмаганнар. Ашыгыч ярдәм” машинасы бик тиз килеп җитсә дә, алар хастаханәгә барып ятудан  баш тарталар.

-Җиңел автомобиль белән идарә итүче дистанцияне сакламаган, һава торышы шартларын исәпкә алмаган һәм катнаш юл машинасына килеп бәрелгән, - ди ЮХИДИ бүлекчәсе начальнигы вазыйфаларын вакытлыча башкаручы Радик Сәйфетдинов. – Бу көннәрдә һава торышы бозылды, бураннар, явым-төшем  көтелә, юлларда-бозлавык. Машина йөртүчеләргә бик игътибарлы булырга кирәк.

фото: автор