Юл хәрәкәте
Эчүнең ахыры яман
21 июль көнне район территориясендә булган авариядә бер кешенең гомере өзелә, өчесе тән җәрәхәтләре ала. ЮХИДИ бүлекчәсе хезмәткәрләре хәбәр итүенчә, Зәй егетләре Күтәмәгә кунакка килгәннәр. 21 июль көнне төнге сәгать бердә алар кайтырга чыгалар. "Хундай-Соната" автомобиле белән идарә итүче 1991нче елгы, исерек хәлдәге Андрей Кузьмин тизлекне арттыра, каршы як полосага...
21 июль көнне район территориясендә булган авариядә бер кешенең гомере өзелә, өчесе тән җәрәхәтләре ала.
ЮХИДИ бүлекчәсе хезмәткәрләре хәбәр итүенчә, Зәй егетләре Күтәмәгә кунакка килгәннәр. 21 июль көнне төнге сәгать бердә алар кайтырга чыгалар. "Хундай-Соната" автомобиле белән идарә итүче 1991нче елгы, исерек хәлдәге Андрей Кузьмин тизлекне арттыра, каршы як полосага чыга һәм машина юл читенә әйләнеп төшә. Бу авария нәтиҗәсендә, машинаның пассажиры - автомобиль йөртүченең бертуган энесе - 1995нче елгы егет алган җәрәхәтләрдән вафат була.
Агымдагы елның узган чорында районда булган 11 юл-транспорт һәлакәтендә ике кешенең гомере өзелгән, 16 кеше яраланган (былтыр бу чорда сигез авариядә 4 кеше үлгән, 13 кеше яраланган булган).
Следите за самым важным и интересным в Telegram-каналеТатмедиа
Нет комментариев