Район үзәгендә үткән “Тоннель” операциясе барышында автоинспекторлар кагыйдә бозган өч машина йөртүчегә карата беркетмә тутырганнар.
-20 февральдә, иртәнге 7дән 8гә кадәр, бер сәгать дәвам иткән чара барышында 33 автомашинаны туктатып тикшердек. Шуларның куркынычсызлык каешларын такмаган ике йөртүчесенә карата административ беркетмә төзелде, җәза күләме – 1000шәр сум. Бер якташыбыз исә руль артында телефоннан сөйләшеп барган өчен “эләкте”, аңа җәза күләме – 1500 сум, - диде район автоинспекциясе җитәкчесе Рәмис Шәкүров.
Нет комментариев