2024 нче елның узган җиде аенда район территориясендәге өч юл-транспорт һәлакәтендә бер кешенең гомере өзелгән, ике кеше яраланган (2023 елның җиде аенда дүрт авариядә дүрт кеше җәрәхәтләнгән, үлүчеләр булмаган).
ЮХИДИ бүлекчәсеннән алынган мәгълүматлардан шул күренә: күп очракта аварияләр килеп чыгуга тизлек режимын бозу сәбәп.
Матди зыян белән бәйле 73 юл-транспорт һәлакәте теркәлгән (2023 елның җиде аенда - 63).
Узган чорда автоинспекторлар юлда йөрү кагыйдәләрен бозуның 925 очрагын теркәгәннәр (2023тә -1585), шул исәптән 22 кеше машина белән алкоголь эчемлек кулланып идарә итүчеләр, юлның каршы як полосасына чыгу – 27 факт, йөртү таныклыклыклары булмыйча, автомобиль белән идарә итүчеләр - 14, 526сы - куркынычсызлык каешын такмаучылар. Юлда йөрү кагыйдәләрен җәяүлеләр дә, пассажирлар да боза, андыйларга карата 27 беркетмә төзелгән.
Вакытында штраф түләмәгәннәре өчен, 32 кеше административ җаваплылыкка тартылган.
Нет комментариев