Безнең Чирмешән
  • Рус Тат
  • Чирмешән районындагы юл һәлакәтендә өч кеше имгәнгән

    Шушы көннәрдә районда булган юл һәлакәтендә ике машина бәрелешкән. Анда зыян күргән  бер машина йөртүчене һәм ике пассажирны Әлмәт больницасына озатканнар.

    Районның ЮХИДИ бүлекчәсеннән белешүебезчә, авария Кузай-Нурлат юлында, Бәркәтә борылышыннан Кузай авылы уңаенарак юл участогында килеп  чыга. Кузай ягына баручы, ВАЗ -219110 машинасын йөртүче Самара кешесе юл торышын, һава шартларын исәпкә алмыйча, кызу тизлек белән бара һәм каршы юлга чыгып, каршысына килүче Яр Чаллы кешесе идарә иткән фургонлы ВИС-234700-30 җиңел машинасына бәрелә.

    Реклама

    -Нәтиҗәдә,  ВИС йөртүчесе  аягын сындырган. "Лада"ның да ике  пассажиры – Самара кешеләре имгәнә: берсе кабыргаларын авырттырган, икенчесенең баш сөягенә зыян килгән. Җәрәхәт алучылар барысы да Әлмәткә, больницага озатылды, - диде әлеге уңайдан районның ЮХИДИ бүлекчәсе өлкән дәүләт инспекторы Рәмис Шәкүров.     

    фото: Рәмис Шәкүров

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: