Чирмешәндә үткән ярминкәдә алмагач үсентеләрен күп алдылар

Алмагачның берсен 300-450, карлыганныкын 150-250 сумнан саттылар.

-Виноград, груша үсентеләре дә алалар, - ди Вячеслав Афиногенов, - Безнең үсентеләр районлаштырылган, климатка яраклаштырылган.

Ярминкәдә килограммын уртача 20-24 сумга – сортлы бәрәңге, 100гә – суган орлыгы, 115-120 сумга – кыяр, 150-250гә помидор да тәкъдим иттеләр. Каз бәпкәләре – 400, мулардлар – 300, үрдәк бәпкәләре 200 сумга бәяләнде. Сыер ите дә бар иде - килограммы 300 сум.

-Чәчә торганнарны чәчеп калырга кирәк, - ди ярминкәгә Лашманнан килгән тәҗрибәле бакчачы Рөстәм Галимов. - Сзга чәч, дип белеп әйтәләр. Язгы җылылар соңга калды быел, җәйгә яңгырлар фаразлыйлар. Мин дә бу көннәрдә, балалар кайткач, бәрәңге чәчәргә җыенам. Әллә нинди сортларын әзерләп куйдым.

Автор фотолары