Европа чемпионатына Нуретдинов та барачак

Фәнис Бари улы Нуретдинов үзе дә иҗат өлкәсендә каләме нык шомарган оста. Шул ук вакытта ул зур бүләкләр откан спортчы да.

Кул көрәштерүче, беләге әле дә таза ветеран-спортчы Ф.Нуретдинов озакламый Литвада узачак Европа чемпионатына бармакчы. Ул анда мөмкинлекләре чикле һәм ветеран спортчылар арасында узачак бәйгеләрдә ил данын яклаячак.

"Картаерга вакыт юк", - ди күптән түгел Россиянең спорт мастеры дәрәҗәсенә ия булган, быел Белгородта да зур ярышта җиңүчеләрнең берсе - Фәнис дустыбыз.