Чирмешәндәге спартакиадада Туймәт авылы командасы - җиңүче

Физкультура-савыктыру комплексында оештырылган әлеге спорт чарасында берничә спорт төре буенча көч сынаштылар. Ярышларда, чирмешәнлеләрдән тыш, Яр Чаллы, Аксубай, Яңа Чишмә, Әлмәт районнары вәкилләре дә катнашты.

Мини-футболда Иске Кади командасы беренче урынны яулады, эстафетада туймәтлелеләр җитезрәк булдылар һәм финишка беренче килделәр. Борыста Яр Чаллыдан “Ак мәчет” командасы бик оста тартылды. Нәтиҗәдә, гомумкоманда зачетында иң күп баллар туплаган Туймәт авылы командасы - беренче, “Ак мәчет”леләр - икенче, Кара Чишмә яшьләре өченче урынга чыктылар.

Җиңүчеләргә Кубоклар, медальләр һәм акчалата бүләкләр тапшырдылар.

Самат Хайруллин фотолары.