Чирмешәндә авыл яшьләре арасында футбол буенча оештырылган турнирда җиңүчеләр яхшы бүләкләр дә оттылар. Беренчелекне алган Бәркәтә футболчылары командасы – кубок һәм грамоталардан тыш, төп бүләк - мультиварка иясе.
Чирмешән лицее спорт мәйданчыгында узган әлеге ярышта биш команда катнашты. Анда бәркәтәлеләр җиңүче булса, Чирмешәннән “Яшьләр” командасы – икенче, шулай ук район үзәгеннән “Фортуна” ветеран футболчылары өченче урында. Аларны термопот һәм сок сыккыч белән бүләкләделәр.
Мини-футбол буенча ярышлар яшүсмерләр арасында да үтте. Республика көне уңаеннан оештырылган бәйгедә чирмешәнлеләр - беренче, Иске Кади командасы – икенче, әккәрәйлеләр – өченче урында. Турнирның иң яхшы уенчысы дип - Чирмешәннән Станислав Леонтьев, иң яхшы капкачы дип - Иске Кадидан Раил Шәрипов танылган.
.jpeg)
Марат Җамалиев фотолары
Нет комментариев