Безнең Чирмешән
  • Рус Тат
  • Чирмешән егетләре Бөтенроссия күләмендәге көрәш ярышыннан җиңүләр яулап кайттылар

    Районыбызның ике егете Зәй шәһәренең "Яшьлек" Боз сараенда Ринат Фәрдиев истәлегенә узган Бөтенроссия көрәш турнирында призлы өченче урын ияләре булдылар.

    23-24 гыйнварда үткән әлеге бәйгедә 38 команда вәкилләре бил алышкан. Көрәш осталары төрле төбәкләрдән: Башкортсаннан, Чувашиядән, Мари Эл, Ханты-Манси, Оренбург өлкәләреннән дә килгәннәр.

    Реклама

    -Шушы зур турнирда “Чирмешән” балалар һәм яшүсмерләр спорт мәктәбеннән Нәзир Ибәтуллин (Лашман) 3 урынга, Эдуард Михайлов (Лашман) 5 урынга, Альберт Шакиров (Әмир) һәм Айгиз Мәҗитов (Чирмешән) 6 урыннарга чыктылар. Лашман мәктәбенең элеккеге укучысы Разыйф Гыйрфанов (Түбән Кәминкә) олырак егетләр арасында 3 урын иясе, - ди спорт мәктәбе тренеры Рафик Гатин.

    Көрәш турниры җиңүчесе исә – хуҗалар - Зәй командасы. Икенче урында Чаллы көрәшчеләре. Ә өченче урынны Әлмәт белән Теләче командалары спортчылары бүлешкән.

    фото: Рафик Гатин

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: