1нче Чирмешән мәктәбенең егетләр командасы район данын яклаячак

Уеннарның беренче көнендә 11 мәктәпнең егетләр командалары  универсаль спорт комплексы һәм физкультура-сәламәтләндерү үзәге спорт залларында уйнадылар. Кызлар командалары соңрак көч сынашачак.

1нче, 2нче Чирмешән мәктәпләре, Чирмешән лицее, Чирмешән кадетлар мәктәп-интернаты, Әккәрәй, Иске Элмәле, Күтәмә, Түбән Кәминкә, Иске Кади, Лашман, Ульяновка мәктәпләре баскетболчылары арасындагы кызу көрәш иртәдән кичкә кадәр дәвам итте. 1нче Чирмешән мәктәбе егетләре иң җитезләр һәм өлгерләр булып танылды, икенче урында – Чирмешән кадетлар мәктәп-интернаты, өченчедә – лицей командасы.

Җиүчеләр республиканың баскетбол федерациясе Дипломнарына ия булдылар, барлык командаларга да район мәгариф бүлеге Грамоталары тапшырылды. 1нче Чирмешән мәктәбе командасыннан Егор Ильмендеев иң яхшы уенчы буларак бүләкләнде.

РАйонның муниципалҗ этабы җиңүчесе – 1нче Чирмешән мәктәбе командасы 15-16 декабрьдә Ютазы районында, Урыссу авылында узачак КЭС-БАСКЕТ мәктәп баскетбол лигасының Бөтенроссия Чемпионатының дивизион этабында район данын яклаячак.

ФОТОРЕПОРТАЖ 

Кадрия Гамирова фотолары