Яңа Чишмәдә 15 яшьлек кыз югалган

Яңа Чишмә районы Урганча авылында 15 яшьлек Виктория Никифорованың югалуы турында февральдә үк хәбәр ителгән иде.

Әлегә кадәр аның кайдалыгы билгеле түгел. Татарстан Тикшерү комитетының Чистай районара тикшерү бүлеге тарафыннан җинаять эше кузгатылган. 4 февраль кичендә 15 яшьлек Никифорова Виктория Олеговна Яңа Чишмә районы Урганчы авылындагы өеннән билгесез юнәлештә чыгып китә, кайдалыгы билгесез, диелә тикшерү органнары хәбәрендә.

Әлеге кыз бала турында нинди дә булса мәгълүматка ия кешеләр түбәндәге телефон буенча шалтыратсын иде: 02, 8(84342) 5-38-72, 8 (84348) 2-26-73 (анонимлык ышандырыла).