Безнең Чирмешән
  • Рус Тат
  • Утыз Имән авылының мәдәният йорты гөлләргә күмелгән

    Бу авылның мәдәният йорты алдында төрледән-төрле, аллы-гөлле чәчәкләр үсә. Ләкин көз җиткәч алар матурлыгын югалталар. Ә менә мәдәният йортының фойесында һәм кабинетларда урнашкан дистәләгән гөлләрнең кайберләре ел әйләнәсе чәчәккә күмелеп утыра.

    -Кая нинди гөл күрәбез, аның үсентесен алып кайтып, үзебездә утыртабыз, - ди мәдәният йорты директоры Рушания Әминова. -Кайберәүләрен авылдашлар алып килеп бирделәр. Менә бу зур үскән гөлне Гөлфия апа Лотфуллина китерде. “Сездә иркенрәк бит”, - диде. Менә монысын Гөлсирә апа Мотыйгуллина бирде.

    Биредә 50 төргә якын үсүче үсемлекләрнең исемнәрен дә белеп бетерә торган түгел. Ләкин анысы мөһим дә түгел, урыннары килешкән бугай, матур итеп, җәелеп үсәләр.

    Гөлләрне директор үзе, сәнгать җитәкчесе Гөлсирин Фәттахова һәм техник хезмәткәр Гөлия Гыйрфанова бергә, карап, тәрбияләп торалар. Эше бар, вакытында су сибәргә, туфрагын йомшартырга, күчереп утыртырга кирәк.

    ​Автор фотолары

    Нравится
    Поделиться:
    Комментарии (0)
    Осталось символов: