Чирмешәнлеләр көн дә концерт карый
Авылларда җирлекара концертлар башланды, алар май аена кадәр дәвам итәчәк. Җиде ай дәвамында 41 мәдәният йортында 100 гә якын концерт күрсәтеләчәк.
Әмир авылы мәдәният йортында Түбән Кәминкә һәм Кара Чишмә авыллары үзешчәннәре куйган концертны 82 яшьлек Миннур апа Алиева да рәхәтләнеп карап утырды.
-Соңгы вакытта авыл-да концертлар еш була. Киләбез, матур җырлар тыңлыйбыз. Хәзер бит клуб та матур, чиста, җылы, утыргычлары йомшак, - ди Миннур апа.
– Бүгенге концертны да ахырына кадәр карадым,бик матур җырладылар, гармунда уйнадылар. Узган елда да бер концертны калдырмадым диярлек. Килсеннәр генә, без барабыз.
Тиздән Әмирдә тагын концерт булачак, бу юлы авылга күршеләр - Лашман авылы мәдәният йорты артистлары килергә тиеш.
Бу көннәрдә Югары Кармалкада - Яңа Элмәле, Ульяновкада – Иске Котыш, Яшәүчедә Кармыш авыллары үзешчәннәре чыгыш ясаганнар.
автор фотолары
Следите за самым важным и интересным в Telegram-каналеТатмедиа
Нет комментариев