Чирмешән татар халык театры тамашачыларына яңа спектакль тәкъдим итәргә җыена. Үзешчән артистлар Фоат Садриевның өч пәрдәле “Җәмиләнең җенләнүе” комедиясен әзерли.
Спектакльдә 7 кеше уйный, төп рольдә – Тәския Кәримова. Район мәдәният йорты сәхнәсендә репетицияләр башланган.
-Комедияне апрель аенда тамашачыларга тәкъдим итәргә ниятләп торабыз, - ди спектакльнең режиссеры Әлфия Закирова. – Гадәттә, спектакльләребезне беренче булып Әмир авылы сәхнәсендә уйныйбыз. Быел да шулай булыр төсле, алардан чакыру алдык инде.
фото: архив
Нет комментариев