Безнең Чирмешән
  • Рус Тат
  • Җиңүче спортчыларны район башлыгы бүләкләде

    2012нче елда безнең район татар-башкорт көрәше буенча республикада 64 команда арасында 25нче урынга чыккан. Район Советы бинасында авыл җирлекләре башлыклары, мәктәп директорлары, физкультура укытучылары, тренерлар катнашында узган Чирмешән татар-башкорт спорт көрәше федерациясе утырышында узган елда башкарылган эшләрне йомгакладылар, киләчәккә бурычлар билгеләделәр. Әлеге иҗтимагый оешманың башкарма директоры, район башлыгы киңәшчесе Әмир...

    2012нче елда безнең район татар-башкорт көрәше буенча республикада 64 команда арасында 25нче урынга чыккан.


    Район Советы бинасында авыл җирлекләре башлыклары, мәктәп директорлары, физкультура укытучылары, тренерлар катнашында узган Чирмешән татар-башкорт спорт көрәше федерациясе утырышында узган елда башкарылган эшләрне йомгакладылар, киләчәккә бурычлар билгеләделәр. Әлеге иҗтимагый оешманың башкарма директоры, район башлыгы киңәшчесе Әмир Могыйзов бу өлкәдәге уңышларыбызга тукталды, җитешсезлекләр турында да әйтте.

    Көрәш белән районда әле күптән түгел генә ныклап шөгыльләнә башладылар. Инде уңышлар да бар, район үзәгендәге Чирмешән лицее, 2нче Чирмешән, Лашман урта мәктәбе укучылары район, районара ярышларда призлы урыннарны еш яулыйлар.

    "Шул ук вакытта, элек батырлары белән дан тоткан Туймәт, Иске Кади, Утыз Имән, Иске Үтәмеш, Югары Кәминкә һәм башка кайбер авылларда бу юнәлештә җитди эш алып барылмый",- диде Әмир Сәлим улы.

    "Районда спорт һәм көрәш белән шөгыльләнергә җитәрлек күләмдә спорт заллары бар,- диде үз чыгышында район татар-башкорт спорт көрәше федерациясе рәисе, район башлыгы Нурхамәт Хәмидуллин. - Соңгы вакытта спортка игътибар артты. Ярышларда без дә актив катнашырга тиеш, көч бирергә булса да килергә кирәк".

    Район җитәкчесе төрле спорт бәйгеләрендә призлы урыннарга лаек булган яшь спортчыларны, районда спорт үсешенә лаеклы өлеш керткән тренерларны да бүләкләде.

    Әлеге җыелышта "Чирмешән өметләре" авыл спорт уеннарына да йомгак ясалды. Ульяновка авыл җирлеге командасы беренче урынга чыкты, Диплом һәм 15 мең сумга сертификат белән бүләкләнде. Бәркәтә командасына икенче дәрәҗә Диплом һәм 10 мең сумга сертификат тапшырылды. Яңа Элмәле авыл җирлеге спортчылары өченче урында, аларга Диплом һәм 5 мең сумга сертификат бирелде.

    Автор фотолары.

    Нравится
    Поделиться:
    Комментарии (0)
    • 3 апрель 2018 - 09:49
      Диспансеризациягә язылыгыз, исәнлегегез белән шаяртмагыз
    • 19 март 2018 - 11:20
      Хәния Фәрхи кызына васыятен соңгы концертында сәхнәдә укыган булган (ВИДЕО)
    • Чирмешән лицееның 34 укучысы мәктәп белән хушлашты (ФОТОРЕПОРТАЖ)
    • Иске Үтәмеш мәктәбендә - "Соңгы кыңгырау" бәйрәме (ФОТОРЕПОРТАЖ)
    • Чирмешәннең 1нче мәктәбендә - "Соңгы кыңгырау" (ФОТОРЕПОРТАЖ)
    • Чирмешәндә шомырт чәчәк атты (ФОТОРЕПОРТАЖ)
    • Чирмешәндә сөт җыючыларны һәм сөт тапшыручыларны хөрмәтләделәр (ФОТОРЕПОРТАЖ)
    Ночной режим