Түбән Чегодай авылыннан бер әни үзенең югалган яшь баласын эзләүдә ярдәм сорап полициягә мөрәҗәгать иткән. Малайны тиз табалар – ул авылдагы кибеттә булган.
Гомумән, узган атнада район полиция бүлекчәсендә 19 хәбәр кабул иткәннәр.
Район юлларында 2 юл-транспорт һәлакәте теркәлгән, икесе дә – матди зыян белән. Юлда йөрү кагыйдәләрен бозуның 86 очрагы, шуларның 10сы участок уполномоченныйлары тарафыннан ачыкланган. Бер машина йөртүче транспорт белән аек булмаган хәлдә идарә иткән.
Күтәмә авылыннан бер хатын-кыз Чирмешәндәге кибет янында кесә телефонын югалткан. Ул телефонны урлаулары ихтималын кире кага.
Чирмешәндәге бер йорттан акча урлануы хакында полициягә телефоннан шалтыратып хәбәр иткәннәр. Тикшерә торгач, бу факт расланмаган.
фото: архив
Нет комментариев