Безнең Чирмешән
  • Рус Тат
  • Чирмешән районында автоинспекторлар кармагына исерек килеш машина йөртүче ике кеше эләккән

    26 марттан 1 апрельгә кадәр район полиция бүлекчәсендә 15 хәбәр кабул ителгән.

    01 Март аеның соңгы атнасында Чирмешәнннең 135нче янгын сүндерү частена һәм ПСЧ-75 янгын частеның Күтәмәдәге аерым постына ут белән бәйле бәла-казалар хакында хәбәрләр булмаган. Коткаручыларга юл-транспорт һәлакәтләренә дә чыгарга туры килмәгән.

    02 26 марттан 1 апрельгә кадәр район полиция бүлекчәсендә 15 хәбәр кабул ителгән.

    Участок инспекторлары һәм башка хезмәтләр 19 административ беркетмә төзегәннәр.

    Район юлларында 3 юл-транспорт һәлакәте булган, аларда автомашиналарга зыян килгән. Юлда йөрү кагыйдәләрен бозуның 11 очрагы ачыкланган, ике машина йөртүчесе автотранспорт белән аек булмаган хәлдә идарә иткән өчен тоткарлаганнар.

    Нагорный поселогыннан бер ир-ат үзе белән бергә яшәүче хатын-кызны кыйнаган өчен җавап бирәчәк.

    Районда 27 мартта башланган “Сак булыгыз! Мошенниклар“ дип аталган комплекслы оператив-профилактик акция дәвам итә.

    03 Үткән шимбә, якшәмбе көннәрендә ашыгыч ярдәм хезмәтен 36 тапкыр чакыртканнар. Фельдшерлар әйтүенчә, ОРВИ белән авыруның 7 очрагы теркәлгән. Берәү көнкүрештә җәрәхәт алган. Һәрвакыттагыча йөрәк-кан тамырлары белән авыручылар янына чакыртулар күп булган.

    04 Бер атнада газ хезмәте слесарьлары газ җиһазларын көйләү һәм төзәтү белән бәйле 33 заявка үтәгәннәр.

    Фото Кадыра Гумерова

    Нравится
    Поделиться:
    Комментарии (0)
    Осталось символов: