Дин һәм тормыш
Чирмешән районында Гает бәйрәме тыныч узды
30 март – Ураза гаете көнне райондагы 23 мәчеттә дә гает намазлары укылды.
Мәчетләргә килгән дин кардәшләребез Коръән аятьләре, вәгазь тыңладылар. Чирмешәннең үзәк мәчетендә бәйрәм намазын һәм Гает вәгазен район мөхтәсибе Рамил хәзрәт Ибраһимов җитәкләде. Ураза гаетендә район башлыгы Рамил Айбатов та катнашты, райондашларны бәйрәм белән тәбрикләде.
- Гает бәйрәме тыныч узды, Аллаһыга шөкер, гадәттән тыш хәлләр булмады, - диде мөхтәсиб. – Үзәк мәчеттә гаеткә килгән дин кардәшләребезне коймак һәм кайнар чәй белән сыйладылар. Һәр мөселман йортында таба исләре чыкты, милләттәшләребез кунакларга йөреште.
Рамил Ибраһимов фотолары
Следите за самым важным и интересным в Telegram-каналеТатмедиа
Нет комментариев