Чирмешәндә ураза тотучыларга пылауга кадәр пешереп китерәләр

Пылауны мәчет йортындагы җәйге  кухняда  пешерәләр икән. Аны таҗик милләтеннән булган кардәшебез әзерли. Ә хатын-кызлар  салатлар ясап, пироглар пешереп, ризыкларны  ланч-боксларга тутыралар. Аларны волонтерлар ике көнгә бер тарата.

-Район үзәге урамнарын үзара бүлештек, һәрберебезгә ураза тотучы тугыз-ун якташыбыз туры килә, ризыкны аларга ифтарга кадәр таратып чыгабыз, - ди район мөхтәсибе Рамил хәзрәт Ибраһимов. – Ашларны халык китергән, халык биргән акчага алынган азык-төлектән әзерлибез.  Рәхмәт игелекле, юмарт якташларыбызга, ифтар ашына дип, Казаннан да акча җибәрүчеләр булды.

фото: автор