Чирмешәнлеләр өчен кызыклы мәгълүматлар 2021 елда сан алудан соң билгеле булачак

2010 елдагы Бөтенроссия халык санын алу саннары нәрсәләр күрсәтә?

-10 ел элек безнең районда 6998 шәхси хуҗалык булып, аларда 20361 кеше яшәгән, - ди райондагы статистика бүлегенең әйдәүче белгеч-эксперты Гөлназ Гайсина. –Гаиләләребезнең күбесе (31,9 проценты) ике кешедән торган, 6 һәм аннан да күбрәк кешеле гаиләләр иң азы (8,3 процент).

Балалары булган гаилә парлары 3000 дип теркәлгән (53,2 процент), баласызлар – 1484 (26,3 процент); балалы ялгыз әниләр – 1016 (18 процент), балалы ялгыз әтиләр – 140 (2,5 процент). Әлеге статистиканы 2002 нче елда булган халык санын алу саннары белән чагыштырсаң, районда бер һәм ике кешеле хуҗалыклар арткан, ә зуррак (өч-алты яки күбрәк кешедән торган) хуҗалыклар кимегән.

Ә инде 2010 елдагы халык санын алудан соң хуҗалыклар һәм аларның составы ничек үзгәрүен киләсе 2021 елның 1-30 апрелендә узачак сан алудан соң беләчәкбез.