Туган көнгә – Мактау грамотасы

Күптән түгел генә Минсәгыйт Мөхлисовка 60 яшь тулды. Шул уңайдан ул район башлыгының Мактау грамотасы белән бүләкләнде.

Керкәле авылында туып үскән М.Мөхлисов армиягә киткәнче үк, 1968нче елда колхозда эшкә урнаша. Ике ел хезмәт итеп кайткач та, кабат хуҗалыкта эшләвен дәвам итә. Минсәгыйт Гаяз улы гомере буе машина йөртүче булып хезмәт куя. "Минсәгыйт абый бик уңган, тырыш, җаваплы кеше. Аның машинасы һәрвакыт төзек, юлга чыгарга әзер", - ди аның турында "Чирмешәнагрохезмәтләре" җәмгыятенең Югары Кәминкә бүлекчәсе җитәкчесе Габдерәхим Әхмәтвәлиев.