Күтәмәдән Зориннарның йортында аккошлар “йөзә“

автор, 5 август 2015 - 07:39

5987

Күтәмәдә яшәүче Наталья һәм Александр Зориннар йорты ерактан ук игътибарны җәлеп итә. -Гадәти йорт, шаккатырлык бернәрсә дә юк монда, - дип каршы алды безне хуҗабикә. Сүзләре хак булмады, шаккаттырды. Зориннарның йортлары чәчәккә күмелгән. Гомумән, бар урында да чисталык, тәртип хөкем сөрә. Хәтта урамга, йорт каршына да чәчәкләр утыртканнар. Аларны үстерү...

Күтәмәдә яшәүче Наталья һәм Александр Зориннар йорты ерактан ук игътибарны җәлеп итә.

-Гадәти йорт, шаккатырлык бернәрсә дә юк монда, - дип каршы алды безне хуҗабикә.

Сүзләре хак булмады, шаккаттырды. Зориннарның йортлары чәчәккә күмелгән. Гомумән, бар урында да чисталык, тәртип хөкем сөрә. Хәтта урамга, йорт каршына да чәчәкләр утыртканнар. Аларны үстерү өчен төрле җайланмалар да уйлап тапканнар, барысы да кул астындагы материаллардан. Йортларын теп - тере кебек аккошлар, камкалар, гөмбәләр бизи. Аларны да иске, кулланмый торган савыт - сабадан, каскалардан ясаганнар.

Шунда ук иске автомобиль шиналарыннан балалар өчен ясалган комлык та бар, монда аларның төпчек уллары уйнарга ярата бугай. Күренеп тора, хуҗалар - иҗади кешеләр. Фантазияләрен дә эшкә җиккәннәр. Иренеп тә тормыйлар, матурлыкны үз куллары белән булдырганнар.

Сүз уңаеннан, Зориннар өч бала үстерәләр. Йортны бизәргә өлкән балалары да ярдәм итә. Әле бит чәчәкләрне тәрбияләргә, вакытында су сибәргә, чүп үләннәреннән дә арындырырга кирәк.

-Без боларны үзебез өчен ясыйбыз, - ди авыл мәдәният йортында эшләүче Наталья (ире - Александр нефтьче). - Матур бит. Күңелләрне сөендерә. Мин чәчәкләрен озак коймый торган үсемлекләрне утыртырга тырышам, әйтик, петунияләр шундыйлардан. Алар салкыннарга кадәр чәчәккә күмелеп утыралар.