Кармышта яшәүче Камил Гатиятов 60 яшьлек юбилеен билгеләп үтте

-Җәмгыятебездә 6 мең гектарлап җир бар, бездә эшләүчеләр төрле авыллардан, - ди Камил Әбүбәкер улы. – Ел әйләнәсе эш белән мәшгульбез, хезмәтебез өчен түлиләр. Еллар имин, тыныч булсын иде.

Юбилярны, билгеле, туганнары да котлаган, алай гынамы, бүләккә өр-яңа, затлы гармун алып биргәннәр.

-Абый яшьтән үк гармунда уйнады, соңгы вакытта үз гармуны гына юк иде, -ди энесе Фәгыйль. – Рәхәтләнеп уйнасын, исән булсын.

Намуслы, тырыш хезмәте өчен, Камил Гатиятовка Татарстан Республикасының Авыл хуҗалыгы һәм азык – төлек министрлыгының Мактау грамотасын тапшырдылар, ә “Әккәрәй” җәмгыяте уңган белгечен үлән чапкыч белән бүләкләгән.

фото: автор