Безнең Чирмешән
  • Рус Тат
  • Яхшылардан үрнәк алыйк

    Безнең Иске Кади авыл җирлегенә керүче авылларда башкаларга үрнәк итеп куярлык йортлар байтак. Иске Кадидан Галия Хәмидуллинаның йорт тирәсендә дә, бакчасында да һәрвакыт тәртип, җәй айларында өй алды чәчәккә күмелә. Әсхәт Әхмәдуллиннарның капка төбендә кышын кар күрмәссең, аны гел чистартып торалар, ә җәй көне бер артык әйбер, чүп тотмыйлар. Якты...

    Безнең Иске Кади авыл җирлегенә керүче авылларда башкаларга үрнәк итеп куярлык йортлар байтак.


    Иске Кадидан Галия Хәмидуллинаның йорт тирәсендә дә, бакчасында да һәрвакыт тәртип, җәй айларында өй алды чәчәккә күмелә. Әсхәт Әхмәдуллиннарның капка төбендә кышын кар күрмәссең, аны гел чистартып торалар, ә җәй көне бер артык әйбер, чүп тотмыйлар.

    Якты Таудан Динә һәм Рәхимҗан Мөслиховлар инде пенсия яшендә, шулай да йорт тирәләрендә тәртип хөкем сөрә. Бакчаларында ни генә үсми. Гөлсирень һәм Вахит Йосыповларның йорты ерактан балкып, урамга ямь биреп тора, аларда да һәр җирдә чисталык.

    Тукайдан Зәлифә һәм Әюп Шәрифуллиннарның йорт тирәләрендә, бакчаларында бер чүп тапмассың. Алар бер вакытта да әйткәнне көтмиләр, пычратмыйлар да. Чүпләмәгән җирдә чиста була, дигән әйтем нәкъ бу гаиләләргә туры килеп тора.

    Кызганыч, үрнәк йортлар белән беррәттән, бик үк чиста булмаганнары да бар. Аларның хуҗаларына кабат - кабат әйтсәң дә файдасы тими, югыйсә үзгәрергә, башкалардан үрнәк алырга вакыт.

    Реваль Зәйнуллин,
    Иске Кади авыл җирлеге
    башлыгы.

    Нравится
    Поделиться:
    Комментарии (0)
    Осталось символов: