Вилдановлар гаиләсеннән бар да диктант язды

Әлеге чара инде өченче ел рәттән уза. Акциянең максаты — татар телендә хатасыз язарга өйрәнү, әдәби татар телен кулланучылар санын арттыру, татар әдәбияты әсәрләренә киң җәмәгатьчелекнең игътибарын юнәлтү.

Быел диктант өчен Гаяз Исхакыйның «Көз» әсәреннән өзек сайланган булган.

-Ике сәгатькә якын сузылган сынауда төрле буын вәкилләре, төрле һөнәр ияләре: укытучылар, тәрбиячеләр, медицина хезмәткәрләре катнашты. Хәтта рус милләтеннән дә ике кеше бар иде. Чирмешәндә яшәүче Вилдановлар гаиләләре белән килделәр, - ди район мәгариф бүлегенең милли мәгариф буенча методисты Җәмилә Мотыйгуллина. – Эшләрне шул ук көнне тикшердек. 34 кеше диктантны “бишлегә” язган, 26 райондашыбыз “дүртле” алды, ике кеше имтиханны тапшыра алмады, калганнар  - “өчле” алучылар.

Ландыш Зыякова фотосы.