Утыз Имәннән Ябиновлар хуҗалыгында Миләш белән Малыш туган

Әнәс һәм Сирин Ябиновлар, гомумән, мал-туарны күп асрыйлар. Алар гаилә бюджетын сөт сатудан кергән акча белән дә тулыландыра. Сыерларының бозаулаган чагы әле, берсе февраль аенда ике – теше һәм үгез бозаулар китергән.

-Шөкер, игезәкләребез Миләш белән Малыш көрләр. Без аларга өч айлап сөт эчерәбез, алларында - коры печән, - ди гаилә башлыгы.

Ябиновларның терлекләре дә күп, үзләре дә ишле гаилә. Бер йортта өч буын: Әнәс-Сирин, әниләре Гөлсирә, уллары Илназ, киленнәре Рузилә гомер итәләр.