Киләсе елда Түбән Кәминкә авылында - модульле врачлык амбулаториясе өчен яңа бина, Керкәледә фельдшер-акушерлык пункты төзергә планлаштыралар.
Район үзәк больницасы баш табибы Лилия Мортазина әйтүенчә, республикада модульле ФАПлар төзү программасы кертелгәннән бирле (2011 нче ел) районның ун торак пунктында яңа фельдшер-акушерлык пунктлары төзелгән.
-Әлеге мәсьәлә Түбән Кармалка авылында бик актуаль, - ди Лилия Шамиловна.- Монда фельдшер-акушерлык пункты бик иске, яңа бина кирәк. Кармыш авылында яшәүчеләр дә яңа ФАП сорыйлар. Киләчәктә бу ике авылда да әлеге проблема уңай хәл ителер дип өметләнәбез.
фото: архив
Нет комментариев