Сосновка авылында бөтен җир матур

Җәй азагында без ничектер чисталыкка бик игътибар бирмибез, чүп үләннәре дә иркеннәп үсә башлый. Сосновкада моңа юл куймыйлар. Гомумән, авылда матур, төзек, тирәләре җыештырылган, капкалары, коймалары матур ачык төсләргә буялган өйләр бик күп. Заманча, кирпечтән төзелгән йортлар да шактый күп монда. Иң мөһиме, авыл халкы чисталыкка, матурлыкка битараф түгел. Мәктәп һәм мәдәният йорты территорияләре генә ни тора! Биредә -чәчәкләр патшалыгы. Быелгы корылыкта аларны үстерү зур хезмәт сорый.

Дөрес, кайбер урыннарда чүп үләннәре дә күренгәләде, бөтенләй юк түгел, ләкин, гомумән алганда, Сосновка авылы миндә бик яхшы тәэсирләр калдырды.

фото: автор