Иске Котыш буасында ремонт яңа ел алдыннан төгәлләнәчәк
Иске Котыш авылы буасында 2017 елның августында башланган капиталь төзелеш ахырына якынлаша. Бөгелмәдән килгән осталар биредә 20 миллион сумлык эш башкарган. Яңа елга кадәр алар бу объектны файдалануга тапшырачак.
-Проектны 2012 елда ук ясаткан идек, - ди Иске Котыш авыл җирлеге башлыгы Александр Митякин. - Барлык эшләр дә республика бюджетыннан бирелгән акчаларга башкарылды.
Биредә буаның плотинасын тулысынча сүтеп, яңадан ясаганнар, кырыйларын ныгытканнар. Су агып чыгу өчен торбалар урнаштырылган, шлюзалар, задвижка, боздан саклагыч торбалар куелган.
-Төзелеш эшләре төгәлләнү белән 600 мең кубометрлы буага су җыя башлыйбыз, - ди Александр Константинович. - Буа ярлары чишмәләргә бай, су тиз тулачак.
Автор фотосы
Следите за самым важным и интересным в Telegram-каналеТатмедиа
Нет комментариев