Чирмешәндә яшь инспекторлар бәйрәмгә җыелды

Яшь инспекторлар отрядлары 1973 елның 6 мартында оеша. Бүген Татарстанда 19 мең баланы берләштерүче 1500 ЮИД отряды актив эшли. Безнең районда да 24 шундый отряд бар. Алар лицейда узган бәйрәм чарасында чыгыш ясадылар.

Чарада дәүләт автоинспекциясенең район бүлеге начальнигы Рәмис Шәкүров һәм “Юл хәрәкәте иминлеге” учреждениесенең райондагы бүлеге җитәкчесе Алинә Филиппова катнашты.

- Балигъ булмаганнар катнашында һәлакәтләрне кисәтү эшенең югары социаль әһәмиятен исәпкә алып, шулай ук ЮИД отрядлары оешуга 50 ел тулу уңаеннан, 2023 елның февраленнән май аена кадәр бездә төрле чаралар узачак, - диде Алинә Петровна. - Аларның максаты – юл хәрәкәте яшь инспекторлары отрядларының эшчәнлеген популярлаштыру, киң җәмәгатьчелекне юл хәрәкәте иминлеген тәэмин итү проблемаларына җәлеп итү, юл-транспорт һәлакәтләре нәтиҗәсендә үлем һәм имгәнүләрне киметү.

  Алинә Филиппова фотолары