Быел район мәктәпләренең 11 сыйныфын тәмамлаучы 87 укучы өчен бердәм дәүләт имтиханнарының төп чоры 1 июньнән 9 июльгә кадәр узачак.
Чыгарылыш сыйныф укучылары 1 июньдә – тарих, әдәбият, химия; 4 июньдә - рус теле; 8 июньдә – математика; 11 июньдә – җәмгыять белеме, физика; 15 июньдә - биология, география, чит телдән (язма); 18-19 июньдә информатика һәм чит телдән (телдән) имтихан тапшырачак.
Резерв көннәр – 22 июньнән 25 июньгә кадәр. 8, 9 июльдә сайлап алынган бер фәннән яңадан тапшыру мөмкинлеге бирелә.
Имтиханнарны төп даталарда тапшыру мәҗбүри. Җитди сәбәпсез имтиханга килмәүчегә аттестат урынына белешмә бирелә, ә кабат тапшыру бары тик киләсе елда гына. Имтиханга килмәүнең җитди сәбәбе булганда укучы резерв көннәрдә тапшыра ала.
Нет комментариев