Чирмешән районы мәчетләрендә балалар өчен кышкы лагерьлар эшләде

Район мөхтәсибе Рамил Ибраһимов әйтүенчә, кышкы каникуллар вакытында үзәк мәчеткә 30лап, Лашман авылы мәчетенә 15кә якын бала йөргән.

-Балалар биредә ял да иттеләр, дин сабагы да алдылар, - диде Рамил хәзрәт.

“Мөшбикә” мәчетендә 3 гыйнвардан 7 гыйнварга кадәр 20 бала көннәрен файдалы һәм кызыклы уздырды.

-Малайлар һәм кызлар биредә ислам нигезләрен өйрәнделәр, иҗат белән шөгыльләнергә дә вакыт таптылар, уеннар уйнадылар, Иске Үтәмеш, Югары һәм Түбән Чегодай авылларына экскурсиягә бардык, андагы мәчетләр тарихы белән таныштык, - диде мәчет имамы Хәбир Ханов. – Билгеле, балаларны тәмле ашлар белән дә сыйладык.

Диләрә Ханова фотолары