Чирмешәндә сыерчыкларны яңа “өйчекләр” белән каршы алабыз

Яз килгәне сизелә, кошлар озак көттермәс, кабат безнең якларга кайтып җитәрләр. Кошларны кайгыртып, агачтан уеп ясау түгәрәгенә йөрүче балалар, җитәкчеләре, туган як тарихы музее хезмәткәре Сәлимҗан Гамиров ярдәме белән, сыерчык оялары ясаганнар. Материалларны Чирмешән урман хуҗалыгы биргән.

Матур, җыйнак итеп ясалган сыерчык ояларын балалар урман хуҗалыгына тапшырдылар һәм алар белән бергә агачларга да элеп  чыктылар. Чара кысаларында балалар кошлар “өйчекләрен” кайларда һәм ничек итеп дөрес элү серләренә дә төшенделәр.

Шундый чаралар аша балаларыбызда табигатне ярату һәм саклау хисләрен тәрбиялик. “Кече туганнарыбызны” бергәләп саклыйк, кайгыртыйк һәм ярдәм итик.

фото: автор