Чирмешәндә автобуслар рейска чыгарга әзер
Коронавирус инфекциясе таралуны кисәтү максатында 1 апрельдән районда шәһәрара һәм авыллар маршрутларында автобус хәрәкәте тулысынча туктатылды.
-Бу көннәрдә автобус йөртүчеләр үз техникаларын карап, төзәтәсен төзәтеп, техник күзәтүгә әзерләделәр. Автобуслары тәртиптә булган шоферлар үзизоляциядә булдылар, - ди район автотранспорт предприятиесе җитәкчесе Илдус Хәлимов. - Рейсларга сорау бар, шуңа, бәлки, киләсе атнадан кайбер маршрутлар кабат ачылыр. Бу хакта район газетасында белдерү бирербез.
Район автотранспорт предприятиендә 52 автобус исәпләнә, шуларның 17се - мәктәп автобуслары. Техникалар барысы да төзек, шоферлар белән тәэмин ителгән.
фото: Гөлсирә Шәрифуллина
Следите за самым важным и интересным в Telegram-каналеТатмедиа
Нет комментариев