Чирмешән районында сайлау участоклары ишекләре ачык
Райондагы 34 сайлау участогы да иртәнге сәгать 8дә ишекләрен ачты.
Участоклар урнашкан биналарга тән температурасын үлчәп, антисептик белән эшкәртеп кертәләр. Битлекләр, бер тапкыр кулланырга авторучкалар да бирелә.
-Бүген, төп сайлау көне дә тыныч, закон кысаларында узар дип өметләнәбез, - ди район территориаль сайлау комиссиясе рәисе Рамил Әхмәдуллин. - 9121 сайлаучы (63,31 процент) үткән ике көндә тавыш бирде. Районда исемлеккә кертелгән сайлаучылар 14 мең 408 кеше.
Исегезгә төшерәбез: бүген Чирмешән районында Татарстан Республикасы Президентын, РФ Дәүләт Думасына һәм районның җирле органнарына депутатлар сайлыйбыз. Участокларга кичке сәгать 8гә кадәр килеп тавыш бирергә мөмкин.
Следите за самым важным и интересным в Telegram-каналеТатмедиа
Нет комментариев