Чирмешән поликлиникасында гриппка каршы вакцина ясыйлар

Прививканы сентябрь-октябрь айларында поликлиникада,  беренче каттагы прививкалау кабинетында ясатырга мөмкин.

-Вакцина бушлай ясала. Аны алу - ирекле гамәл, - ди район үзәк больницасы табибы Зилә Минеголова. – Гриппка каршы прививканы беренче чиратта мәгариф учреждениеләрендә эшләүчеләргә, өлкәннәргә, хроник авырулардан интегүчеләргә, вирус инфекциясе белән еш авыручыларга ясарга киңәш итәбез.

Врачлар әйтүенчә, гриппны кисәтүнең иң яхшы алымы - вакцина ясату. Аны көз көне, эпидемия башланганчы, иммунитет барлыкка килсен өчен кадату нәтиҗәле.

фото: архив