Безнең Чирмешән
  • Рус Тат
  • Чирмешән китапханәчеләре грант акчасына уен мәйданчыгы төзетә

    Чирмешән үзәк китапханәсе янында, ачык һавада, өсте ябулы сәхнә белән балалар уен мәйданчыгы булачак. Төзүчеләр сәхнәне ясый да башладылар.

    Безнең китапханәчеләр 2019 елда иң яхшы мәдәният, сәнгать һәм кинематография оешмаларына ярдәм итү өчен Татарстан Республикасы Хөкүмәте конкурсында “Без бергәләп уйнарга телибез!” проекты белән 500 мең сумлык грант отканнар. Бу эшләр менә шул акча хисабына башкарыла.

    -Грант акчасына физик мөмкинлеге чикле, коляска белән хәрәкәтләнүче балалар өчен уен комплексы, өстәл-комлык, дидактик өстәл, таган, өстәл-ромашка сатып алдык, - ди үзәк китапханә методисты Светлана Мортазина. - Проектның асылы шунда – мөмкинлеге чикле балаларга үз яшьтәшләре белән уйнау мөмкинлеге тудыру. Ачык һавада, сәхнәдә төрле чаралар уздыру да планлаштырыла.

    Реклама

    Бу җиһазларны урнаштыру өчен китапханә янындагы балалар уен мәйданчыгын сайлаганнар. Төзүчеләр биредә сәхнә ясау эшенә керешкәннәр дә. Якын көннәрдә, бу территориядәге, моңа кадәр куелган, таган һәм шугалаклар янында яңа уен комплекслары да урын алачак.

    Биредә төзелеш эшләре тәмамлангач, китапханәчеләр территорияне төзекләндереп, агач һәм куаклар утыртырга планлыйлар. Ә язга чәчәк клумбалары да барлыкка киләчәк.

    фото: автор

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: