Безнең Чирмешән

Чирмешән районы

16+
Рус Тат
Бәйрәмнәр

Чирмешәннең гүзәл затлары өчен Казан артистлары да җырлады

8 Март - Халыкара хатын-кызлар көне уңаеннан нәфис затларыбыз өчен район мәдәният йортында зур концерт булды.

Бәйрәм кунаклары арасында төрле һөнәр ияләре һәм махсус хәрби операциядә катнашучы якташларыбызның әниләре, тормыш иптәшләре, кызлары, апа-сеңелләре дә бар иде.

Тантанада катнашучыларны район башкарма комитеты җитәкчесе Илнур Җамалетдинов тәбрикләде.

- Кадерле гүзәл затлар! Сезне язның тәүге бәйрәме – Халыкара хатын-кызлар көне белән котлыйм! Һәркайсыгыз иң яхшы сүзләргә, иң матур теләкләргә лаек. Сез гаилә учагын саклыйсыз, үзегезне балаларыгызга багышлыйсыз. Сезгә, якыннарыгызга, гаиләләрегезгә сәламәтлек, күтәренке кәеф, иминлек телим, - диде Илнур Минсәгыйть улы.

Бәйрәм кичендә махсус хәрби операциядә катнашучы якташларыбызның тормыш иптәшләренә район хакимиятеннән бүләкләр дә тапшырдылар.

Мәдәният йортына килеп керүгә үк гүзәл затларыбызга юнармиячеләр үз куллары белән эшләнгән чәчәкләр бүләк иттеләр. Сәхнәдән исә Татарстанның халык артисты Рөстәм Закиров, Татарстанның атказанган артисты Люция Мусина һәм аларның кызлары Миләүшә Закирова берсеннән-берсе эчтәлекле, матур җырлары белән тамашачыларның күңелләрен күтәрделәр, бәйрәм рухын арттырдылар. Районыбыз ир-егетләре: Альмир Жораев, Ринат Гарифуллин, Сергей Посадский, Андрей Ефремов, Әмир Гыйләҗев, “Хавас” ансамбле рус һәм чуваш җырларын бүләк иттеләр. Балалар сәнгать мәктәбе биюче кызларының да чыгышлары күпләргә хуш килгәндер. Залда утыручы гүзәл затларның йөзләрендәге елмаю да моны ачык күрсәтте.

 

 

Следите за самым важным и интересным в Telegram-каналеТатмедиа

"Безнең Чирмешән"нең Яндекс Дзен һәм Телеграм каналында иң мөһим, кызыклы вакыйгаларны күзәтегез.


Галерея

Оставляйте реакции

3

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев