Бәйрәмнәр
Чирмешәндә Республика көне уңаеннан бәйрәм була
29 августта район үзәгендәге Яшьләр мәйданчыгында Республика көне уңаеннан зур бәйрәм чарасы оештырыла.
Ул кичке 16 сәгать 30 минутта башлана. Монда балалар өчен интерактив мәйданчыклар эшләячәк, шулай ук “Балачак – ул мин һәм син” дигән музыкаль-анимацион программа тәкъдим ителәчәк.
Якташларыбыз район мәдәният йорты артистларының, үзешчән сәнгать коллективларының чыгышларын да күрә алачак. Программада: “Кино төне” акциясе, тәбрикләүләр, бәйрәм салюты.
Чараны оештыручылар сюрприз да була диделәр, бу көнне сәхнәдә Казаннан килгән танылган җырчы да чыгыш ясыячак. Аның кемлеге әлегә сер булып кала.
фото: архив
Следите за самым важным и интересным в Telegram-каналеТатмедиа
Нет комментариев