Авыл хуҗалыгы
“Сөлчә“дә кыш чыгарлык печән хәстәрләнгән дә
"Сөлчә" җәмгыяте районда иң күбе - 925 тонна печән хәстәрләп куйган.
Биредә еллык план үтәлгән дә. Район буенча алганда бу төр азык 4400 тонна чамасы (65 процент) хәстәрләнгән.
Район авыл хуҗалыгы һәм азык-төлек идарәсендә әйтүләренчә, "Авангард" (580 тонна), "ЧирмешәнАГРО" (415), "Алга" (265) җәмгыятьләрендә дә күпьеллык үләннәрне тиз чабып, байтак печән туплаганнар. Ә менә "Чирмешәнагрохезмәтләре", "ҮтәмешАГРО" җәмгыятьләрендә печән запаслары тиешледән бик аз, әле һаман бер өлеше чабылмаган үләннәрнең туклыклылыгы кими, алар картая. Аннары икенче уңышны җыю да соңга кала. Әзерлисең икән, вакытында һәм сыйфатлы ризык әзерләргә кирәк. Кайбер хуҗалыкларда соңгы берничә елда кышын, язын әллә-кайлардан сенаж, силос ташып интегүләрен онытмасыннар иде. Быел да азыксыз калсак инде?!
Сенаж салуның соңга калуы да файдага түгел.
Следите за самым важным и интересным в Telegram-каналеТатмедиа
Нет комментариев