Чирмешән районы юлларында “Автобус” профилактик чарасы үтте
Үткән атнада районда “Автобус” операциясе төгәлләнгән.
Автобус йөртүчеләр арасында юл-транспорт һәлакәтләрен профилактикалау һәм булдырмау максатларында, район юлларында “Автобус” профилактик чарасы үткәрелде.
Операциянең тагын бер максаты - юл хәрәкәтендә катнашучы пассажирларның иминлеген тәэмин итү.
-Тикшерүләр нәтиҗәсендә бер автобус йөртүчесе куркынычсызлык каешын эләктермәгән өчен административ җаваплылыкка тартылды, - диде район дәүләт автоинспекциясе бүлекчәсенең юл хәрәкәте куркынычсызлыгын пропагандалау инспекторы Рәзил Фәттахов.
Үткән атнада район юлларында туктатылган автотранспорт ияләренең берсенең йөртүчесе салмыш хәлдә булуы ачыклана.
-Әлеге кеше моңа кадәр машина йөртү таныклыгыннан да мәхрүм ителгән булган, - дип хәбәр итте автоинспектор.
Следите за самым важным и интересным в Telegram-каналеТатмедиа
Нет комментариев